آخر أخبار العمل على FIFA 2010
الشركة العريقه EA Sport قامت بدعوة Gamespot لنظرة عامه ومبكرة جداً على FIFA 2010, حيث انها لم تصل الا لـ قرابة الـ50% من الإنتهاء الكامل.
الكلام كثير وانتم عجازين, وتحبون الزبدة, فـ زي ماتعرفون FIFA 2009 حصلت على أعلى المبيعات من العاب الشركة, وهذا الإنجاز صعب انك تستمر عليه! لكن EA شكلها هذا اللي ناويته بالضبط وناويه بعد ان الشريط يأخذ لأول مره في السلسله على 90+ في اجمالي تقييم المواقع!, وحاطه عيونها جد!.
واللعبه على حد قولهم انها قابلة للعب جداً وهي ماوصلت الا لـ45% من اكتمالها, بس كانوا يبون يعرفون وش بنشوف في الربع الثالث من 2009.
اما عن اهم التغييرات واهم النقاط الأساسيه واروع رؤوس الأقلام .. هي :
أكبر تغيير في اللعبة هو ان تحكم الـ360 درجة !!.
ماصار التحكم باللاعب في 8 إتجاهات بس, مثل باقي الأجزاء, واشرطة الكوره كلها. يعني اللاعب مايمشي الا في 8 اتجاهات مستقيمه بس.. الحين صار في 360 درجة, من كل الإتجاهات.. ماتضطر الحين لما تركض بسرعه انك تمشي بطريق متعرج .. صار في مرونه وانت تركض بسرعه تقدر تتحكم بدق في اتجاه اللاعب بدون مايوقف او يلف لفه خياليه " قاسيه مافيها مرونه ".
نسبة تطوير الموجود الى اضافه اشياء جديدة هي 70\30
70% من التغييرات هي تطوير "وتحسين" الموجود, بحيث يكون من أفضل لأفضل وتعديل الأخطاء, و 30% اضافات جديدة وتعديلات جديدة كلياً.
من التحسينات: تطوير تمركز اللاعبين, ومحاصرتهم للاعب أو مصيدة التسلل, وتعدليها وصارت اكثر واقعيه.
تعديل طريقه استقبال الكورة "روعة"
كان الجزء القديم ممكن اللاعب يقمز "يقفز - ينط :$" ويستقبل أو يثبت الكوره بصدره مهما كان بأي وضعيه هو فيه, اما في الجزء الجديد فـ بيستقبل الكوره او يثبتها او يتحكم فيها .. بأسهل طريقه على حسب وضعيته.
مثلا: اذا رفعت الكوره "أوفر" وكان اللاعب اللي يستقبلها غير محدد عليه أو غير متمركز زين.. بيرجع ورا شوي عشان يستقبل الكوره برجلة.
الـManager Mode والتعديل "الكبير"
اكثر شي تكلموا عنه بالتحديد, هو المانيجر مود .. او الماستر ليق كما يحلو لعشاقه بتسميته << لا يكثر بس
تغييرات كبيره وتطوير كبير بيتم فيه وبيكون واقعي لدرجه خياليه واضافات مثل: ممكن تدخل بحرب منافسه على لاعب وبتأثر على سعره في ارتفاعه ويمكن انخفاضه.
وفيه تطوير اضافي لكن مافهمته : "while behind-the-scenes calculations will change the flow of each match on a minute-by-minute basis" .
تقدر تسوي مباراة "تدريب", احلى شي. واكيد "توقعي" بتكون فيها خيارات خاصه بالتدريب.. غير المباراة الودية.
تعديل في أخطاء اللعب .. لما يحوس عليك الحكم وأخطاء ثانية.
إمكانية لعب الفاول السريع "ايه ايه زي برو ايفلوشن ادري, لا تبثروني" عشان تسذا اللي يلعب يحتاج يركز ولا يتنح بالجدار كثير.
قعد ينكت الأخ على انهم سووا تحسينات لإهتزاز الشبكه في الأقوال, تلميحه سريعه, بس شي يتحمس عليه الواحد.
لاتحرموني منردووووودكم
